Պարտավոր էինք հաղթել, պարտքը վերադարձնել, ասել է Հայաստանի հավաքականի մարզչական շտաբի անդամ, թիմի նախկին դարպասապահ Ռոման Բերեզովսկին Ազգերի լիգայի խմբային փուլի չորրորդ տուրի խաղում Մակեդոնիայի հավաքականի նկատմամբ 4:0 հաշվով հաղթանակից հետո:
«Տղաները առաջին րոպեից նվիրվածությամբ խաղացին եւ արդյունք եղավ: Դարպասապահ Արամ Հայրապետյանի խաղից գոհ եմ: Ափսոս, որ թիմը նախորդ խաղերում կայուն խաղ չունեցավ»,- ասել է Ռոման Բերեզովսկին:
Հիշեցնենք, որ Երեւանի «Հանրապետական» ստադիոնում կայացած խաղից հետո Հայաստանի հավաքականը վաստակեց 6 միավոր եւ երկրորդն է D դիվիզիոնի չորրորդ խմբում: Խմբի առաջատար Մակեդոնիան ունի 9 միավոր: 3-ական միավոր ունեն Ջիբրալթարն ու Լիխտենշտեյնը, որոնք այս տուրում կմրցեն իրար հետ:
Հիշեցնենք, որ Հայաստանի եւ Մակեդոնիայի հավաքականիների միջեւ առաջին շրջանի խաղում մակեդոնացիները տնային հաղթանակ են տարել 2:0 հաշվով: Հոկտեմբերի 13-ին Հայաստանի հավաքականը Երեւանում նվազագույն հաշվով պարտվել էր Ջիբրալթարի հավաքականին, որն իր պատմության մեջ առաջին հաղթանակը տարավ պաշտոնական խաղերում:
Հայաստանի հավաքականն Ազգերի լիգայի խմբային փուլի վերջին 2 խաղերը կանցկացնի նոյեմբերի 16-ին ու 19-ին՝ հյուրընկալվելով Ջիբրալթարին ու Լիխտենշտեյին:
Սամվել Սուքիասյան
Հետևեք NEWS.am SPORT-ին Facebook-ում, Twitter և Telegram-ում
20:17 , 25 ապրիլի 
19:19 , 25 ապրիլի 
18:02 , 25 ապրիլի 
17:28 , 25 ապրիլի 
17:10 , 25 ապրիլի 
16:45 , 25 ապրիլի 
15:28 , 25 ապրիլի 
14:20 , 25 ապրիլի 
13:56 , 25 ապրիլի 
13:15 , 25 ապրիլի 
