«Բարսելոնայի» եւ Բելգիայի հավաքականի պաշտպան Թոմաս Վերմալենը վնասվածք է ստացել Շվեյցարիայի թիմի դեմ Ազգերի լիգայի խմբային փուլի երրորդ տուրի խաղում: Հոկտեմբերի 12-ին տեղի ունեցած խաղում 2:1 հաշվով հաղթել էր Բելգիայի թիմը:
32-ամյա ֆուտբոլիստը հոկտեմբերի 15-ին բուժզննում է անցել: Ախտորոշվել է աջ ազդրի երկգլուխ մկանի վնասվածք: Ապաքինման համար կպահանջվի 1.5 ամիս, հաղորդում է «Բարսելոնայի» պաշտոնական կայքը:
Բելգիայի հավաքականի հոկտեմբերի 16-ին Բրյուսելում ընկերական հանդիպում կանցկացնի Հոլանդիայի թիմի հետ, որը Ազգերի լիգայում 3:0 հաշվով հաղթել է Գերմանիայի թիմին:
Հետևեք NEWS.am SPORT-ին Facebook-ում, Twitter և Telegram-ում