Երեւանում շարունակվող գեղասահքի երիտասարդների աշխարհի գավաթի խաղարկությունում մրցումային երկրորդ օրը աղջիկները կատարեցին ազատ ծրագիրը: Առաջին խմբում սառույց դուրս կան Հայաստանի երկու ներկայացուցիչները՝ Էլեն Հակոբյանն ու Մարիա Ասոյանը:
Հոկտեմբերի 12-ին որոշվելու է Գրան Պրիի աղջիկների պայքարի հաղթողը: Հայաստանի ներկայացուցիչները համեստ արդյունքներով հեռու են մրցանակային տեղերից: Ֆավորիտը շարունակում է մնալ Ռուսաստանի ներկայացուցիչ, երիտասարդների աշխարհի չեմպիոն Ալեքդանդրա Տրուսովան:
Մրցումային երկրորդ օրը պայքարի դուրս եկան նաեւ պարային զույգերը:
Հայաստանը ներկայացնում էր Վիկտորյա Ազրոյան - Ալեքսանդր Սիրոշտան զույգը:
Պարային զույգի կարճ ծրագրի հաղթողը Ռուաստանը ներկայացնող Արինա Ուշակովա-Մաքսիմ Նեկրասով զույգն էր 69.12 միավորով:
65.42 միավորով երկրորդ տեղը զբաղեցրեց Վրաստանը ներկայացնող Մարիա Կազակով -Գեորգի Ռեւիյա զույգը: Երրորդ տեղում 60.34 միավորով Կանադան ներկայացնող Էլիե Ֆիշեր Սիմոն Պիեր - Մալետե Պակե զույգն էր:
Ի դեպ, Կանադայի պարային զույգը հանդես եկավ վնասվածքով: Մրցումային ծրագրի մեկնարկից առաջ փորձի ժամանակ Կանադայի եւ Ուզբեկստանի զույգերը բախվեցին եւ վնասվածքներ ստացան: Լուրջ վնասվածք ստացավ Ուզբեկստանի զույգը, որոնց ելույթից հետո շտապօգնության մեքենայով տեղափոխեցին հիվանդանոց: Չնայած վնասվածքներին, երկու երկների ներկայացուցիչները դուրս եկան մրցելույթի:
Պարային զույգերի ծրագրում Հայաստանը ներկայացնող Ազրոյան - Սիրոշտան զույգը վաստակեց 46.55 միավոր եւ զբաղեցրեց 12-րդ տեղը:
Հայտնի են նաեւ մրցումային առաջին օրվա աղջիկների եւ տղաների կարճ ծրագրերի հաղթողները. աղջիկներ՝ Ալեքսանդրա Տրուսովա, Ռուսաստան (74.19) եւ տղաներ՝ Իվան Շմուռատկո, Ուկրաինա (72.08):
Մրցումային վերջին օրը պայքարի դուրս կգան տղաները ազատ ծրագրով եւ զույգեր՝ ազատ ծրագիր։
Լուսինե Շահբազյան
Հետևեք NEWS.am SPORT-ին Facebook-ում, Twitter և Telegram-ում