Բաթումիում շարունակվող Համաշխարհային շախմատային օլիմպիադայի 9-րդ տուրում Հայաստանի հավաքականը 2.5:1.5 հաշվով պարտության մատնեց Հնդկաստանի թիմին: Առաջին երեք խաղատախտակներին գրանցվեց ոչ ոքի: Առաջին համար Լեւոն Արոնյանը սեւերով խաղաց Վիշվանաթան Անանդի, Գաբրիել Սարգսյանը սպիտակներով մրցեց Պենտալա Հարիկրիշնայի հետ: Հրանտ Մելքումյանի մրցակիցն էր Ադհիբանը:
Վերջինը պայքարն ավարտեցին չորրորդ համարներ Կրիշնան Սաշիկիրանն ու Հայկ Մարտիրոսյանը: Հայ գրոսմայստերը սպիտակներով հաղթանակ տարավ 48-րդ քայլում:
Հայաստանի հավաքականը վաստակել է 15 միավոր: Մյուս առաջատարների մասնակցությամբ դիմակայությունները դեռ չեն ավարտվել:
Հետևեք NEWS.am SPORT-ին Facebook-ում, Twitter և Telegram-ում