Անգլիական «Մանչեսթեր Յունայթեդի» պորտուգալացի գլխավոր մարզիչ Ժոզե Մոուրինյոն թիմի խաղացողներին հայտարարել է, որ ֆրանսիացի կիսապաշտպան Պոլ Պոգբան այլեւս երբեք չի լինի թիմի ավագ, հաղորդում է The Times-ը:
«Վուլվերհեմփթոնի» դեմ Անգլիայի առաջնության 6-րդ տուրի հանդիպումից հետո Պոգբան քննադատել էր թիմի մարտավարությունը՝ նշելով, որ գոնե տնային հանդիպումներում «Մանչեսթեր Յունայթեդը» պետք է ավելի շատ գրոհի: Այդ խաղում գրանցվել էր ոչ ոքի՝ 1:1:
Այս մրցաշրջանում Պոգբան երեք հանդիպումներում եղել է ավագի թեւկապով: Նշվում է, որ ֆուտբոլիստների ընդհանուր արձագանքը Մոուրինյոյի հայտարարությանը եղել է բացասական:
Հետևեք NEWS.am SPORT-ին Facebook-ում, Twitter և Telegram-ում