09:10  +04,  26 սեպտեմբերի, 2018

Էդգար Բաբայանը՝ Վարդան Մինասյանի հրաժարականի եւ Դե Բիազիի հնարավոր նշանակման մասին

Արդեն ապաքինվել եմ վնասվածքից եւ սկսել եմ անհատական մարզումները, ասել է դանիական «Հոբրոյի» եւ Հայաստանի հավաքականի կիսապաշտպան Էդգար Բաբայանը NEWS.am Sport-ի թղթակցի հետ զրույցում:

«Հաջորդ շաբաթ կվերսկսեմ մարզումները «Հոբրոյի» ընդհանուր խմբում: Պատրաստ կլինեմ Հայաստանի հավաքականի հանդիպումներին, որոնք նախատեսված են հոկտեմբերին Ազգերի լիգայում: Հույս ունեմ, որ մինչեւ Ջիբրալթարի եւ Մակեդոնիայի հավաքականների հետ հանդիպումները կհասցնեմ մեկ հանդիպում անցկացնել Դանիայի առաջնությունում:

Վարդան Մինասյանի հրաժարականի մասին լուրն անսպասելի էր: Ես նրա հետ լավ հարաբերություններ ունեի:

Իտալացի Ջանի Դե Բիազիին հիշում եմ Ալբանիայի հավաքականի հետ նրա աշխատանքից: Կարծում եմ՝ ամեն ինչ լավ կլինի»,- ասել է 22-ամյա ֆուտբոլիստը:

Հիշեցնենք, որ Դե Բիազին Հայաստանի հավաքականի գլխավոր մարզիչի հիմնական թեկնածուն է եւ բանակցում է ՀՖՖ-ի հետ:

Հայաստանի հավաքականը Ջիբրալթարի հետ կմրցի հոկտեմբերի 13-ին, Մակեդոնիայի հետ՝ հոկտեմբերի 16-ին:

Սամվել Սուքիասյան

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից: