00:41  +04,  24 սեպտեմբերի, 2018

«Բարսելոնայի» հաղթական շարքն ընդհատեց «Ժիրոնան» (տեսանյութ)

Իսպանիայի ընթացիկ առաջնությունում առաջին միավորները կորցրեց չեմպիոն «Բարսելոնան», որը 6-րդ տուրում ընդունեց «Ժիրոնային» եւ բավարարվեց ոչ ոքի արդյունքով:

Հաշիվը 19-րդ րոպեին բացեց կատալոնական թիմի արգենտինացի հարձակվող Լիոնել Մեսին:

35-րդ րոպեին հեռացվեց «Բարսելոնայի» ֆրանսիացի պաշտպան Կլեման Լանգլեն, որը արմունկով հարվածել էր մրցակցին: Մրցավարը որոշումն ընդունեց կրկնապատկերը դիտելուց հետո:

Դրանից հետո հյուրերի կազմում դուբլի հեղինակ դարձավ ուրուգվայցի հարձակվող Կրիստիան Ստուանին:

Էռնեստո Վալվերդեի գլխավորած թիմին պարտությունից հետո փրկեց իսպանացի պաշտպան Ժերար Պիկեի գոլը՝ 2:2:

«Բարսելոնան» 13 միավորով առաջին տեղում է: Նույնքան միավոր ունի նաեւ Մադրիդի «Ռեալը»: «Ժիրոնան» 8 միավորով 6-րդն է:

Իսպանիայի առաջնություն, 5-րդ տուր

«Բարսելոնա» - «Ժիրոնա»՝ 2:2 (տեսանյութ)

Լիոնել Մեսի, 19, Ժերար Պիկե, 63 - Կրիստիան Ստուանի, 45, 51

Հեռացում՝ Կլեման Լանգլե («Բարսելոնա»), 35

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Այս թեմայով

  • Լրահոս
  • Հարցում
Քվեարկել են (12)
  • Ֆեյսբուք
  • NEWS.am Sport Exclusive
  • Արխիվ