«Լիվերպուլի» եւ «Մանչեսթեր Սիթիի» տպավորիչ հաղթանակները, օրվա արդյունքները (տեսանյութ)

Անգլիայի առաջնության 6-րդ տուրում առաջատար «Լիվերպուլը» տանը մրցեց «Սաութհեմփթոնի» հետ: Գերմանացի Յուրգեն Կլոպի գլխավորած թիմն առավելության հասավ 3:0 հաշվով եւ 18 միավորով գլխավորում է մրցաշարային աղյուսակը:

Չեմպիոն «Մանչեսթեր Սիթին» հյուրընկալվելիս 5:0 հաշվով պարտության մատնեց «Քարդիֆին»: Կատալոնացի Խոսեպ Գվարդիոլայի գլխավորած թիմը «Լիվերպուլից» հետ է 2 միավոր:

«Մանչեսթեր Յունայթեդը» տանը չկարողացավ հաղթանակ տանել «Վուլվերհեմփթոնի» նկատմամբ: Պորտուգալացի Ժոզե Մոուրինյոյի ղեկավարած թիմը բավարարվեց 1 միավորով: Թիմերը մեկական գոլ փոխանակեցին: «Մանչեսթեր Յունայթեդը» 10 միավորով 6-րդ տեղում է:

Անգլիայի առաջնություն, 6-րդ տուր

«Լիվերպուլ» - «Սաութհեմփթոն»՝ 3:0 (տեսանյութ)

Ուեսլի Հուդտ, 10, ինքնագոլ, Ժոել Մատիպ, 21, Մոհամեդ Սալահ, 45+3

«Քարդիֆ» - «Մանչեսթեր Սիթի»՝ 0:5 (տեսանյութ)

Սերխիո Ագուերո, 32, Բեռնարդու Սիլվա, 35, Իլկայ Գյունդոգան, 44, Ռիյադ Մահրեզ, 67, 89

«Մանչեսթեր Յունայթեդ» - «Վուլվերհեմփթոն»՝ 1:1 (տեսանյութ)

Ֆրեդ, 18 - Ժոաու Մուտինյու, 53

«Ֆուլհեմ» - «Ուոթֆորդ»՝ 1:1

Ալեքսանդր Միտրովիչ, 78 – Անդրե Գրեյ, 2

«Բարնլի» - «Բորնմութ»՝ 4:0

Մատեյ Վիդրա, 39, Աարոն Լենոն, 41, Էշլի Բարնս, 83, 88

«Քրիսթալ Փելաս» - «Նյուքասլ»՝ 0:0

«Լեսթեր Սիթի» - «Հադերսֆիլդ»՝ 3:1

Կելեչի Իհեանաչո,19, Ջեյմս Մեդիսոն, 66, Ջեյմի Վարդի, 75 - Մատիաս Զանկա Յորգենսեն, 5

 «Բրայթոն» - «Տոտենհեմ»՝ 20:30 (Երեւանի ժամանակ)

Հետևեք NEWS.am SPORT-ին Facebook-ում, Twitter և Telegram-ում