Չեմպիոնների լիգայի առաջին տուրի լավագույն ֆուտբոլիստ է ճանաչվել «Բարսելոնայի» արգենտինացի հարձակվող Լիոնել Մեսին: Քվեարկությունն անցկացվել է ՈւԵՖԱ-ի պաշտոնական կայքում:
Հոլանդական «ՊՍՎ Էյնդհովենի» դեմ խաղում Մեսին դարձել էր հեթ-տրիկի հեղինակ (արգենտինացու 8-րդը հեթ-տրիկն էր Չեմպիոնների լիգայում), «Բարսելոնան» հաղթել էր 4:0 հաշվով:
Լավագույն կոչմանը հավակնում էին նաեւ կիսապաշտպաններ, անգլիական «Լիվերպուլի» խաղացող Ջեյմս Միլները, ֆրանսիական «Լիոնից» Նաբիլ Ֆեկրը եւ Պոլ Պոգբան անգլիական «Մանչեսթեր Յունայթեդից»:
Հետևեք NEWS.am SPORT-ին Facebook-ում, Twitter և Telegram-ում