Ֆրանսիական ՊՍԺ-ի ուրուգվայցի հարձակվող Էդինսոն Կավանին ակնարկել է, որ Ֆրանսիայի առաջնության հանդիպումներից հետո դժվար է Չեմպիոնների լիգայում խաղալը, քանի որ խաղամակարդակի հսկայական տարբերություն կա:
«Հետաքրքիր կլիներ տեսնել անգլիական Պրեմյեր լիգայի թիմերին Ֆրանսիայի առաջնությունում եւ ֆրանսիական լիգայում խաղալուց հետո նրանց հանդիպումները Չեմպիոնների լիգայում: Սա կշտամբանք չէ Ֆրանսիայի առաջնությանը: Չեմ ցանկանում որեւէ վատ բան ասել մեր առաջնության մասին, քանի որ Ֆրանսիայի հավաքականը աշխարհի չեմպիոնն է, եւ այդ թիմի շատ խաղացողներ դուրս են եկել ֆրանսիական լիգայից»,- Կավանիի խոսքը մեջբերում է Goal.com-ը:
Հիշեցնենք, որ Չեմպիոնների լիգայի առաջին տուրում ՊՍԺ-ն Անգլիայում 2:3 հաշվով պարտվել է «Լիվերպուլին»:
Հետևեք NEWS.am SPORT-ին Facebook-ում, Twitter և Telegram-ում