19:16  ,  18 սեպտեմբերի, 2018

Հանդիպման լավագույն խաղացող ճանաչված Հարոյանի վիճակագրությունը

Whoscored.com-ը ներկայացրել է Եկատերինբուրգի «Ուրալի» եւ Հայաստանի հավաքականի պաշտպան Վարազդատ Հարոյանի վիճակագրությունը «Ռոստովի» դեմ Ռուսաստանի առաջնության 7-րդ տուրի տնային խաղում:

Հարոյանը մեկ հարված է կատարել դարպասին եւ դարձել է գոլի հեղինակ այդ հարվածով: Հայ ֆուտբոլիստի 56 փոխանցումից 82.1 տոկոսը հասել է նպատակին: 26-ամյա ֆուտբոլիստը 3 անգամ հաղթող է դուրս եկել օդային պայքարում, 1 անգամ խլել է գնդակը, 3 անգամ կասեցրել է մրցակցի գրոհը:

Հարոյանը թույլ է տվել կանոնների մեկ խախտում: Նրա դեմ պայքարում կանոնների խախտում չի եղել:

Հարոյանը ստացել է 7.73 գնահատականը եւ ճանաչվել հանդիպման լավագույն խաղացող:

Հիշեցնենք, որ հանդիպումն ավարտվել է 1:1 հաշվով: Ամբողջ խաղն անցկացրած Հարոյանը աչքի է ընկել 47-րդ րոպեին անկյունայինի խաղարկումից հետո:

Հետևեք NEWS.am SPORT-ին Facebook-ում, Twitter և Telegram-ում