Բրազիլիայի հավաքականի հարձակվող Նեյմարը չի ընդգրկվել փարիզյան ՊՍԺ–ի հայտացուցակում «Սենթ Էթյենի» դեմ առաջիկա հանդիպմանը։
Ամենայն հավանականությամբ, ՊՍԺ–ի գերմանացի գլխավոր մարզիչ Թոմաս Տուխելը 26–ամյա ֆուտբոլիստին հանգստի հնարավորություն է տվել Բրազիլիայի հավաքականի հետ անցկացրած երկու հանդիպումներից եւ երկար թռիչքից հետո։
Հայտացուցակում են ՊՍԺ–ի նորեկներ, պաշտպան Խուան Բերնատը եւ հարձակվող Էրիկ Մաքսիմ Շուպո–Մոտինգը։
Ֆրանսիայի առաջնության 5–րդ տուրի ՊՍԺ – «Սենթ Էթյեն» հանդիպումը սեպտեմբերի 14–ին է եւ կմեկնարկի Երեւանի ժամանակով 22։45–ին։
Հետևեք NEWS.am SPORT-ին Facebook-ում, Twitter և Telegram-ում