Աշխարհի առաջին ռակետ Ռաֆայել Նադալը չկարողացավ պաշտպանել թենիսի ԱՄՆ-ի բաց առաջնության հաղթողի կոչումը:
US Open-ի կիսաեզրափակիչում իսպանացի թենիսիստը պարտվեց արգենտինացի Խուան Մարտին դել Պոտրոյին: Առաջին եւ երկրորդ սեթում Դել Պոտրոն հաղթել էր 7:6, 6:2 հաշվով, իսկ երրորդ սեթից առաջ Նադալը ծնկի վնասվածի պատճառով հրաժարվեց շարունակել մրցախաղը:
Եզրափակիչի մյուս ուղեգիրը նվաճեց սերբ Նովակ Ջոկովիչը, որը 3 սեթում վստահ հաղթանակ տարավ ճապոնացի Կեյ Նիսիկորիի նկատմամբ: Աշխարհի նախկին առաջին ռակետը հաղթեց 2 ժամ 24 րոպեում՝ 6:3, 6:4, 6:2:
Հիշեցնենք, որ US Open-ը «Մեծ սաղավարտի» տարվա վերջին մրցաշարն է:
Հետևեք NEWS.am SPORT-ին Facebook-ում, Twitter և Telegram-ում