Աշխարհի նախկին առաջին ռակետ Ռոջեր Ֆեդերերը դուրս մնաց Նյու Յորքում ընթացող թենիսի ԱՄՆ-ի բաց առաջնությունից:
Չորրորդ շրջանում 37-ամյա շվեյցարացի թենիսիստը 4 սեթում սենսացիոն պարտություն կրեց աշխարհի 55-րդ ռակետ, ավստրալացի Ջոն Միլմանից՝ 6:3, 5:7, 6:7, 6:7: Մրցախաղը տեւեց 3 ժամ 34 րոպե:
Քառորդ եզրափակիչում Ջոն Միլմանը կխաղա սերբ Նովակ Ջոկովիչի հետ, որը 6:3, 6:4, 6:3 հաշվով հաղթեց պորտուգալացի Ժոաու Սոուզային:
Կանանց մրցաշարում պայքարը լքեց ռուս Մարիա Շարապովան, որը չորրորդ շրջանում պարտվեց իսպանուհի Կարլա Սուարես-Նավարոյին՝ 4:6, 3:6:
Հիշեցնենք, որ US Open-ը «Մեծ սաղավարտի» տարվա վերջին մրցաշարն է: Հաղթողի տիտղոսը պաշտպանում է աշխարհի առաջին ռակետ Ռաֆայել Նադալը:
Հետևեք NEWS.am SPORT-ին Facebook-ում, Twitter և Telegram-ում