23:55  ,  30 օգոստոսի, 2018

Յուրգեն Կլոպ. Մենք ստացանք բարդ խումբ

Անգլիական «Լիվերպուլի» գերմանացի գլխավոր մարզիչ Յուրգեն Կլոպը մեկնաբանել է Չեմպիոնների լիգայի խմբային փուլի վիճակահանության արդյունքը:

«Ես ակնկալում էի բարդ խումբ, եւ մենք ստացանք բարդ խումբ: Բայց Չեմպիոնների լիգայում այլ կերպ չի լինում: Սա աշխարհի լավագույն ակումբային մրցաշարն է, այդ պատճառով էլ այստեղ ապրիորի պետք է բարդ լինի:

ՊՍԺ-ն աշխարհի ամենագրավիչ թիմերից է: Կարծում եմ՝ նրանց նպատակը Չեմպիոնների լիգայի գավաթն է: Մեզ սպասվում է երկու հետաքրքիր հանդիպում: «Նապոլիին» հաղթել ենք նախապատրաստական փուլում, բայց առաջիկա խաղերը կլինեն բացարձակապես այլ կարգի»,- Կլոպի խոսքը մեջբերում է ՈւԵՖԱ-ի մամուլի ծառայությունը:

Հիշեցնենք, որ C խմբում «Լիվերպուլի» մրցակիցներն են ՊՍԺ-ն, «Նապոլին» եւ «Ցրվենա Զվեզդան»:

Հետևեք NEWS.am SPORT-ին Facebook-ում, Twitter և Telegram-ում