Հրաձգության Հայաստանի հավաքականը մեկնել է Հարավային Կորեայի Չանգվոն քաղաքում անցկացվող աշխարհի առաջնությանը:
Հայկական թիմի կազմում հանդես կգան Հրաչիկ Բաբայանը, Քրիստիան Լաուերը, Հայկ Բաբայանը, Իրինա Լաուերը (Աղաջանյան), Ալլա Պողոսյանը, Նորայր Առաքելյանը, Հովհաննես Մարգարյանը, Լիլիթ Մկրտչյանը, Գոհար Վարդանյանը, Սաթենիկ Մեժլումյանը, Արուսյակ Գրիգորյանը: Նրանք հանդես կգան հրացան, ատրճանակ եւ վազող թիրախ (10 մ, 50 մ) մրցաձեւերում:
Հավաքականը մրցավայր է մեկնել գլխավոր մարզիչ Սեյրան Նիկողոսյանի եւ ավագ մարզիչ Անդրանիկ Այվազյանի գլխավորությամբ:
Հրացան եւ ատրճանակ ձեւերում խաղարկվելու են Տոկիո-2020 Օլիմպիական խաղերի 6-ական ուղեգրեր:
Հետևեք NEWS.am SPORT-ին Facebook-ում, Twitter և Telegram-ում