ԱՄՆ-ի Սենթ Լուիս քաղաքում ընթացող «Սինքֆիլդի գավաթ» սուպերմրցաշարում հանգստյան օրվանից հետո կայացան 6-րդ տուրի պարտիաները:
Հայկական շախմատի առաջատար Լեւոն Արոնյանը սեւ ֆիգուրներով ոչ ոքի խաղաց ամերիկացի Հիկարու Նակամուրայի հետ: 5 ժամից ավելի տեւած պարտիան ավարտվեց 68-րդ քայլում:
Ֆաբիանո Կարուանան սպիտակներով հաղթեց Սերգեյ Կարյակինին եւ 4 միավորով դարձավ միանձնյա առաջատար:
Լեւոն Արոնյանն ունի 3.5 միավոր եւ բաժանում է 2-5-րդ տեղերը: Նախորդ 5 տուրերում հայ գրոսմայստերն հաղթել էր ռուսաստանցի Սերգեյ Կարյակինին, ինչպես նաեւ ոչ ոքի խաղացել ԱՄՆ-ը ներկայացնող Ֆաբիանո Կարուանայի, աշխարհի չեմպիոն Մագնուս Կարլսենի, ադրբեջանցի Շաքրիյար Մամեդյարովի ու աշխարհի նախկին չեմպիոն, հնդիկ Վիշվանաթան Անանդի հետ:
Հիշեցնենք, որ «Սինքֆիլդի գավաթը» Grand Chess Tour-ի չորրորդ փուլն է:
«Սինքֆիլդի գավաթ», 6-րդ տուր
Հիկարու Նակամուրա (ԱՄՆ) - Լեւոն Արոնյան (Հայաստան)՝ 0.5:0.5
Ֆաբիանո Կարուանա (ԱՄՆ) - Սերգեյ Կարյակին (Ռուսաստան)՝ 1:0
Ալեքսանդր Գրիշչուկ (Ռուսաստան) - Մագնուս Կարլսեն (Նորվեգիա)՝ 0.5:0.5
Շաքրիյար Մամեդյարով (Ադրբեջան) - Մաքսիմ Վաշյե-Լագրավ (Ֆրանսիա)՝ 0.5:0.5
Ուեսլի Սո (ԱՄՆ) - Վիշվանաթան Անանդ (Հնդկաստան)՝ 0.5:0.5
Մրցաշարային դրությունը 6-րդ տուրից հետո
Հետևեք NEWS.am SPORT-ին Facebook-ում, Twitter և Telegram-ում