00:11  +04,  22 օգոստոսի, 2018

Սամվել Մնացյանի քաղցկեղային հիվանդության պատճառը խաղի ժամանակ ստացած հարվածն է

Ռուսական «Սիբիրի» հոկեյիստ Սամվել Մնացյանի մոտ ախտորոշված քաղցկեղային հիվանդության պատճառը եղել է մի քանի ամիս առաջ հանդիպման ժամանակ մեջքին ստացած հարվածը: Այդ մասին հայտնել է հոկեյիստի գործակալ Շումի Բաբաեւը VK-ում:

«Մենք մի քանի շաբաթ սպասում էինք վերջնական ախտորոշման: Մեջքին ստացած հարվածի պատճառով 6-րդ ողի վրա առաջացել է ուռուցք, որը վերաճել է չարորակ գոյացության: Այն տարածվել է լյարդի եւ միզուղիների վրա: Անցած շաբաթ Սամվելը Ֆրայբուրգում սկսել է ստանալ համապատասխան բուժում՝ քիմիա եւ ճառագայթային թերապիա: Երեք ամսվա ծախսը 130 հազար եվրո է: Մենք շնորհակալ ենք մեզ օգնություն տրամադրողներին:

Հոկտեմբերին սպասվում է վիրահատություն: Սամվելի վիճակը կայուն է, բժիշկները զարմանում են, որ մեր տղայի տրամադրությունը բարձր է, նա մշտապես զբաղվում է սպորտով եւ հավատում է, որ կվերադառնա մեծ հոկեյ»,- ասել է գործակալը:

28-ամյա հոկեյիստն այս ամռանն է «Ադմիրալից» տեղափոխվել «Սիբիր»:

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից: