«Վարդարի» եւ Հայաստանի հավաքականի հարձակվող Տիգրան Բարսեղյանը «Ռենովայի» դեմ ֆուտբոլի Մակեդոնիայի առաջնության երկրորդ տուրի խաղում միակ ու հաղթական գոլի հեղինակ դառնալուց հետո կիսվել է տպավորություններով:
«Ուրախ եմ հաղթանակի համար, սակայն պետք է նշեմ, որ դա ամբողջ թիմի հաջողությունն էր: Ամբողջ թիմն աշխատեց այս արդյունքի համար: Բոլորս արժանի ենք այս հաղթանակին: Խաղի ժամանակ ունեցանք որոշակի խնդիրներ, թեեւ գերազանցում էինք մրցակցին: Սակայն հավատում էինք հաղթանակին եւ ես երջանիկ եմ, որ կարողացանք վաստակել 3 միավոր»,- Բարսեղյանի խոսքը մեջբերում է «Վարդարի» կայքը:
Հիշեցնենք, որ Բարսեղյանը խաղի միակ գոլը խփել էր 75-րդ րոպեին: 24-ամյա ֆուտբոլիստն անցկացրել էր ամբողջ հանդիպումը, իսկ 43-րդ րոպեին ստացել է դեղին քարտ:
Տիգրան Բարսեղյանը գոլի հեղինակ էր դարձել նաեւ Մակեդոնիայի առաջնության առաջին տուրի խաղում:
Հետևեք NEWS.am SPORT-ին Facebook-ում, Twitter և Telegram-ում