Անգլիայի առաջնության երկրորդ տուրում «Լիվերպուլը» գերմանացի Յուրգեն Կլոպի գլխավորությամբ Լոնդոնում մրցեց «Քրիսթալ Փելասի» հետ եւ առավելության հասավ 2:0 հաշվով:
Առաջին խաղակեսի վերջին րոպեին «Քրիսթալ Փելասի» տուգանային հրապարակում կանոնները խախտեցին «Լիվերպուլի» եւ Եգիպտոսի հավաքականի կիսապաշտպան Մոհամեդ Սալահի նկատմամբ: 11 մետրանոցն արդյունավետ իրացրեց անգլիացի կիսապաշտպան Ջեյմս Միլները:
Ավելացված ժամանակում հյուրերի առավելությունը կրկնապատկեց սենեգալցի հարձակվող Սադիո Մանեն:
«Լիվերպուլը» 6 միավորով հավասարվեց «Մանչեսթեր Սիթիին», «Չելսիին», «Ուոթֆորդին», «Տոտենհեմին» եւ «Բորնմութին», իսկ գոլերի տարբերությամբ (6:0) երկրորդ տեղում է: Առաջատարը «Մանչեսթեր Սիթին» է (8:1):
Անգլիայի առաջնություն, երկրորդ տուր
«Քրիսթալ Փելաս» - «Լիվերպուլ»՝ 0:2 (տեսանյութ)
Ջեյմս Միլներ, 45, 11մ, Սադիո Մանե, 90+3
Հեռացում՝ Աարոն Վան-Բիսակա («Քրիսթալ Փելաս»), 75
Հետևեք NEWS.am SPORT-ին Facebook-ում, Twitter և Telegram-ում