Հարի Քեյն. «Տոտենհեմի» զարգացումը շարունակելու միակ միջոցը հիմա տիտղոս նվաճելն է

«Տոտենհեմի» զարգացումը շարունակելու միակ միջոցը հիմա տիտղոս նվաճելն է, հայտարարել է լոնդոնյան ակումբի եւ Անգլիայի հավաքականի հարձակվող Հարի Քեյնը: Հյուսիսային Լոնդոնը ներկայացնող թիմը 2008 թվականից հետո տիտղոս չի նվաճել:

«Մենք կարճ ժամանակում մեծ հաջողություններ ենք ունեցել, բայց անհրաժեշտ են տիտղոսներ: Հիմա մենք արդեն այդքան երիտասարդ չենք: Բոլորն են հասնում այն տարիքին, երբ դառնում են ավելի փորձառու եւ ձգտում են կոչումների: Թիմը ցանկանում է նվաճել հնարավոր ամեն ինչ, բայց երկու հաղթանակից առաջնությունը սկսելը նույնպես շատ կարեւոր է»,- Հարի Քեյնի խոսքը մեջբերում է ESPN-ը:

Հիշեցնենք, որ Պրեմյեր լիգայի նոր մրցաշրջանում «Տոտենհեմը» 2:1 հաշվով հաղթել է «Նյուքասլին», 3:1 հաշվով՝ «Ֆուլհեմին»:

Հետևեք NEWS.am SPORT-ին Facebook-ում, Twitter և Telegram-ում