Մադրիդի «Ռեալի» խորվաթ կիսապաշտպան Լուկա Մոդրիչն իտալական «Ինտերին» պաշտպանել է 2 ակումբների միջեւ կոնֆլիկտում:
Խորվաթիայի հավաքականի 32-ամյա ֆուտբոլիստը խոստովանել է, որ ինքն է իտալական ակումբի հետ կապ հաստատել իր հնարավոր տրանսֆերի վերաբերյալ, գրում է La Gazzetta dello Sport-ը:
Ավելի վաղ հայտնի էր դարձել, որ «Ռեալին» դուր չի եկել այն հանգամանքը, որ «Ինտերն» առանց իսպանական ակումբի համաձայնության բանակցել է Մոդրիչի հետ: Այդ կապակցությամբ «Ռեալը» բողոք էր ներկայացրել ՖԻՖԱ-ին:
Հիշեցնենք, որ «Ինտերում» խաղում են խորվաթ կիսապաշտպանի հայրենակիցներ Իվան Պերիշիչը, Մարցելո Բրոզովիչը եւ Շիմե Վրսալկոն:
Մոդրիչը 2012 թվականից է հանդես գալիս Արքայական ակումբում, որի հետ նրա գործող պայմանագիրը նախատեսված է մինչեւ 2020 թվականը: Նախորդ մրցաշրջանում նա «Ռեալի» կազմում անցկացրել է 43 հանդիպում, դարձել 2 գոլի ու 8 գոլային փոխանցման հեղինակ: Ռուսաստանում այս ամռանն անցկացված ֆուտբոլի աշխարհի առաջնությունում Մոդրիչը Խորվաթիայի հավաքականին օգնել էր դառնալ փոխչեմպիոն՝ ճանաչվելով մրցաշարի լավագույն ֆուտբոլիստ:
Հետևեք NEWS.am SPORT-ին Facebook-ում, Twitter և Telegram-ում
16:07 , 16 ապրիլի 
15:53 , 16 ապրիլի 
15:04 , 16 ապրիլի 
14:11 , 16 ապրիլի 
13:49 , 16 ապրիլի 
13:08 , 16 ապրիլի 
12:26 , 16 ապրիլի 
11:58 , 16 ապրիլի 
11:17 , 16 ապրիլի 
10:08 , 16 ապրիլի 
