«Մանչեսթեր Յունայթեդի» ֆրանսիացի կիսապաշտպան Պոլ Պոգբան մեկնաբանել է անգլիական Պրեմյեր լիգայի երկրորդ տուրում «Բրայթոնից» կրած պարտությունը 2:3 հաշվով:
«Բրայթոնը» ավելի ծարավ էր հաղթանակի, քան մենք: Ես մեղավոր եմ առաջին հերթին: Ես բավականաչափ լավ չձգտեցի: Մենք թույլ տվեցինք սխալներ, որոնք պետք է չլինեին:
Նախորդ շաբաթ մենք տանն էինք խաղում, իրավիճակն այլ էր: Տարբեր թիմեր, տարբեր տակտիկաներ: Գիտեմ, որ հնարավոր չէ միշտ լավ խաղալ, սակայն գործի հանդեպ քո վերաբերմունքը պետք է լինի բարձր մակարդակի վրա: Այսօր դա չհերիքեց մեզ»,- Պոգբայի խոսքը մեջբերում է BBC-ն:
Հիշեցնենք, որ Բրայթոնում կայացած խաղում դաշտի տերերը 3 գոլ էին խփել առաջին խաղակեսում, իսկ Պոգբան ավելացված ժամանակում կրճատեց հաշիվը:
Հետևեք NEWS.am SPORT-ին Facebook-ում, Twitter և Telegram-ում