Ռուսական «Սիբիրի» պաշտպան Սամվել Մնացյանը քաղցկեղի պատճառով բաց կթողնի Հոկեյի մայրցամաքային լիգայի մրցաշրջանը, հաղորդում է championat-ը:
28-ամյա հոկեյիստն այս ամռանն է «Ադմիրալից» տեղափոխվել «Սիբիր»:
«Նովոսիբիրսկում հետազոտությունն այնքան էլ լավ արդյունք ցույց չտվեց: Հիմա նրան ուղարկել ենք Գերմանիա եւ սպասում ենք վերջնական պատասխանների: Տեղեկությունը չէինք հրապարակում, որպեսզի լարվածության մեջ չպահեինք Սամվելի հարազատներին եւ հանրությանը»,- ասել է Մնացյանի գործակալ Շումի Բաբաեւը:
Championat-ի տվյալներով, ախտորոշումը հաստատվել է եւ հոկեյիստն այժմ բուժում է անցնում:
Հետևեք NEWS.am SPORT-ին Facebook-ում, Twitter և Telegram-ում