Հովհաննես Գաբուզյանը նվաճել է Washington International շախմատային մրցաշարի հաղթողի տիտղոսը: Մրցաշարին մասնակցել են 72 շախմատիստներ, այդ թվում՝ 22 գրոսմայստեր:
Հայաստանի ներկայացուցիչը 9 հնարավորից վաստակել է 7.5 միավոր: Երկրորդ տեղը զբաղեցրած ռուս գրոսմայստեր Անդրեյ Ստուկոպինը Գաբուզյանին զիջել է մեկ միավոր: ԱՄՆ-ը ներկայացնող Սամուել Սեւյանը 6 միավորով գրավել է 5-րդ տեղը:
Հիմնական մրցաշարից հետո կայացել է նաեւ կայծակնային խաղի մրցաշարը, որում Հովհաննես Գաբուզյանը 11 հնարավորից վաստակել է 8.5 միավոր եւ զբաղեցրել երկրորդ տեղը:
Արաբական Միացյալ Էմիրություններում ավարտված «Աբու Դաբի Մասթերս» միջազգային մրցաշարում Հայաստանի ներկայացուցիչներից լավագույն արդյունքը գրանցել է Գաբրիել Սարգսյանը, որը 7 միավորով գրավել է չորրորդ տեղը: 1-3-րդ տեղերը բաժանել են ռուս Դանիիլ Դուբովը, ուկրաինացի Անտոն Կորոբովը եւ ԱՄԷ-ի ներկայացուցիչ Սալեմ Սալեհը, որոնք վաստակել են 7.5-ական միավոր: Լրացուցիչ ցուցանիշների հաշվարկից հետո հաղթող է ճանաչվել Դանիիլ Դուբովը:
Հայաստանի մյուս ներկայացուցիչներից Վլադիմիր Հակոբյանը 6 միավորով գրավել է 18-րդ տեղը, Տիգրան Լ. Պետրոսյանը 5.5 միավոր 41-րդն էր, իսկ Էդուարդ Հակոբյանը 3 միավորով հայտնվել է 139-րդ տեղում:
«Աբու Դաբի Մասթերսին» մասնակցել են 31 երկրների 158 շախմատիստներ, այդ թվում՝ 47 գրոսմայստեր:
Հետևեք NEWS.am SPORT-ին Facebook-ում, Twitter և Telegram-ում
15:16 , 20 ապրիլի 
14:20 , 20 ապրիլի 
13:11 , 20 ապրիլի 
12:10 , 20 ապրիլի 
11:12 , 20 ապրիլի 
10:21 , 20 ապրիլի 
09:07 , 20 ապրիլի 
00:47 , 20 ապրիլի 
23:08 , 19 ապրիլի 
22:26 , 19 ապրիլի 
