Ֆորմուլա 1-ի բազմակի չեմպիոն (7) Միխայել Շումախերը գլխի ծանր վնասվածքից հետո շարունակում է բուժումը։ Առաջիկայում նա Շվեյցարիայից տեղափոխվելու է Մալյորկա (Իսպանիա), հայտնում է L'Illustré-ը։
Շումախերի կինն արդեն առանձնատուն է գնել Մալյորկայի Անդրաչ մարզում։ Անշարժ գույքը, որը ժամանակին պատկանել է Մադրիդի «Ռեալի» նախագահ Ֆլորենտինո Պերեսին, Շումախերների ընտանիքի համար արժեցել է 30 միլիոն եվրո։
Հիշեցնենք, որ Շումախերը 2013թ. դեկտեմբերին ֆրանսիական Ալպերում ստացել էր գլխուղեղի ծանր վնասվածք եւ տեւական ժամանակ կոմայի մեջ էր։
Հետևեք NEWS.am SPORT-ին Facebook-ում, Twitter և Telegram-ում