Շախմատի կանանց Հայաստանի հավաքականի առաջատար էլինա Դանիելյանը Հունաստանում անցկացված Կավալայի միջազգային մրցաշարում արժանացել է կանանց լավագույն արդյունքի համար նախատեսված հատուկ մրցանակին:
Մրցաշարին մասնակցել է 133 շախմատիստ (12 գրոսմայստեր): Էլինա Դանիելյանը 9 հնարավորից վաստակել է 6,5 միավոր, ընդհանուր հաշվարկում բաժանել է 5-11-րդ տեղերը, իսկ կանանց հաշվարկում ցույց է տվել լավագույն արդյունքը, հաղորդում է chessfed.am-ը: Հայ շախմատիստուհին 5 կետով բարելավել է նաև իր անհատական վարկանիշը:
7,5 միավորով մրցաշարի հաղթող է դարձել չեխ գրոսմայստեր Վոյցեխը Պլատը:
Հետևեք NEWS.am SPORT-ին Facebook-ում, Twitter և Telegram-ում