ԱՄՆ-ի Սենթ Լուիս քաղաքում անցկացվող Grand Chess Tour-ի երրորդ փուլում հայկական շախմատի առաջատար Լեւոն Արոնյանը արագ շախմատի 6 տուրից հետո 12 հնարավորից (հաղթանակի համար տրվում է 2 միավոր, ոչ ոքիի՝ 1 միավոր) վաստակել է 5 միավոր եւ զբաղեցնում է 7-րդ տեղը:
Արոնյանը ոչ ոքի է խաղացել ռուսաստանցի Սերգեյ Կարյակինի, կուբացի Լենիեր Դոմինգեսի, ադրբեջանցի Շաքրիյար Մամեդյարովի հետ, պարտվել է ամերիկացի Ֆաբիանո Կարուանային, հնդիկ Վիշվանաթան Անանդին եւ ամերիկացի Հիկարու Նակամուրային:
Միանձնյա առաջատարը Ֆաբիանո Կարուանան է, որն ունի 9 միավոր: Ադրբեջանցի Շաքրիյար Մամեդյարովը, ամերիկացի Հիկարու Նակամուրան, ֆրանսիացի Մաքսիմ Վաշյե-Լագրավը եւ ռուսաստանցի Սերգեյ Կարյակինը վաստակել են 7-ական միավոր, կուբանցի Լենիեր Դոմինգեսը՝ 6 միավոր:
Մրցաշարի ավարտին մնացել է երեք տուր:
Հետևեք NEWS.am SPORT-ին Facebook-ում, Twitter և Telegram-ում