20:44  +04,  10 օգոստոսի, 2018

«Բավարիայի» կիսապաշտպանը մոտ է «Ռեալ» տեղափոխվելուն  

Մադրիդի «Ռեալը» համաձայնեցրել է Մյունխենի «Բավարիայի» կիսապաշտպան Տիագո Ալկանտարայի տրանսֆերը, հայտնում է Onda Cero-ն։

27-ամյա բրազիլական արմատներով իսպանացու համար Արքայական ակումբը վճարելու է 40-50 միլիոն եվրո։ Տիագոն «Բարսելոնայի» սան է։ Նա «Բավարիայում» է անցկացրել նախորդ 5 մրցաշրջանները։

Ալկանտարային ձեռք բերելով Արքայական ակումբը ցանկանում է լրացնել այն բացը, որն առաջացել է Մատեո Կովաչիչի տեղափոխությունից հետո։ Հիշեցնենք, որ խորվաթ կիսապաշտպանը կարիերան շարունակելու է Լոնդոնի «Չելսիում»։ Անգլիական ակումբից էլ Մադրիդ է տեղափոխվել բելգիացի դարպասապահ Տիբո Կուրտուան։

 

 

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Այս թեմայով