19:56  +04,  6 օգոստոսի, 2018

Էդգար Բաբայան․ Հիանալի մարզավիճակում եմ եւ կարող եմ օգնել Հայաստանի հավաքականին (ֆոտո)

NEWS.am Sport-ի թղթակիցը զրուցել է դանիական «Հոբրոյի» եւ Հայաստանի հավաքականի կիսապաշտպան Էդգար Բաբայանի հետ, որը գոլի ու գոլային փոխանցման հեղինակ էր դարձել «Հորսենսի» դեմ ֆուտբոլի Դանիայի առաջնության երրորդ տուրի խաղում։ 

«Հորսենսի» հետ հանդիպումը բավական բարդ ստացվեց։ Առաջին խաղակեսում շատ բան չէր ստացվում, իսկ ընդմիջումից հետո հանդես եկանք 4-4-2 խաղային սխեմայով եւ խաղացինք ավելի լավ։ Երկրորդ խաղակեսում խաղացի վինգերի դիրքում։ Նախ անվրեպ իրացրեցի 11 մետրանոցը, հետո դարձա նաեւ գոլային փոխանցման հեղինակ։

Այս մրցաշրջանում իմ խնդիրն է ունենալ մշտական խաղային պրակտիկա եւ խաղից խաղ կատարելագործվել։ Այդ դեպքում սպասվում են դրական փոփոխություններ։ «Հոբրոյի» նպատակը ուժեղագույնների խմբում տեղը պահպանելն է։

Հիմա հիանալի մարզավիճակում եմ եւ լավ եմ զգում ինձ։ Հավաքականում նորամուտից առաջ հոգնած էի, քանի որ մրցաշրջանի վերջնամասն էր։ Հաջորդ հավաքին հրավիրելու դեպքում կանեմ ամեն ինչ, որպեսզի օգնեմ թիմին Ազգերի լիգայում»,- նշել է 22-ամյա կիսապաշտպանը։

Հիշեցնենք, որ Էդգար Բաբայանը Հայաստանի հավաքականի կազմում նորամուտը նշել էր Ավստրիայում կայացած Մալթայի հետ ընկերական խաղում (1:1)։

Սամվել Սուքիասյան

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Այս թեմայով

  • Լրահոս
Loading...
  • Հարցում
Քվեարկել են (10)
  • Ֆեյսբուք
  • NEWS.am Sport Exclusive
  • Արխիվ
Loading...