11:25  ,  5 օգոստոսի, 2018

Խուլյեն Լոպետեգի․ Վստահ եմ, որ Մոդրիչը մնալու է «Ռեալում»  

Մադրիդի «Ռեալի» գլխավոր մարզիչ Խուլյեն Լոպետեգին Չեմպիոնների միջազգային գավաթում տեղի ունեցած Թուրինի «Յուվենտուսի» հետ հանդիպումից հետո խոսել է խորվաթ կիսապաշտպան Լուկա Մոդրիչի մասին։  

«Ակումբի նախագահն արդեն ամեն բան ասել է, եւ ես ավելացնելու ոչինչ չունեմ։ Գրկաբաց սպասում ենք Մոդրիչին, նա հիանալի խաղացող է։ Աշխարհի առաջնությունից հետո անձամբ խոսել եմ նրա հետ: Տեսնենք՝ կկարողանա նա մասնակցել ՈւԵՖԱ-ի Սուպերգավաթի խաղին (օգոստոսի 15-ին)։

Մոդրիչին ասել եմ, որ շատ եմ հավանում նրա խաղը։ Նա «Ռեալի» խաղացող է և վստահ եմ, որ մնալու է այս թիմում»,- Լոպետեգիի խոսքն է փոխանցում Football Espana-ն։

Հիշեցնենք, որ Մոդրիչի ծառայություններով հետաքրքրված է իտալական «Ինտերը»։

 

Հետևեք NEWS.am SPORT-ին Facebook-ում, Twitter և Telegram-ում

Տպել    |  In English

  • Հարցում
Քվեարկել են (13)
  • Ֆեյսբուք
  • NEWS.am Sport Exclusive
  • Արխիվ