Ֆուտբոլի Եվրոպայի լիգայի որակավորման երկրորդ փուլի պատասխան խաղում Երեւանի «Փյունիկը» կընդունի ղազախական «Տոբոլին»:
Հուլիսի 31-ին Երեւանի «Հանրապետական» ստադիոնում կայանալիք խաղում բուքմեյքերական գրասենյակները հայկական ակումբի հաղթանակը գնահատում են 2.37 գործակցով, իսկ հյուրերինը՝ 3.00: Ոչ ոքիի գործակիցը 3.20 է:
Հանդիպումը կսպասարկի չեխ մրցավար Պետր Արդելեանուն, որին եզրերում կօգնեն նրա հայրենակիցներ Յիրի Մոլաչեկն ու Յակուբ Հրաբովսկին:
Հիշեցնենք, որ առաջին խաղում «Փյունիկը» պարտվել է 1:2 հաշվով: Պատասխան հանդիպումը կմեկնարկի Երեւանի ժամանակով 20:00-ին: Մուտքն ազատ է: Այս զույգի հաղթողը հաջորդ փուլում կմրցի իսրայելական «Մաքաբի Թել Ավիվի» եւ սերբական «Ռադնիչկիի» դիմակայության հաղթողի հետ։
Եվրագավաթներում հայկական ակումբները երբեք չեն հաղթահարել որակավորման երկրորդ փուլի արգելքը:
Ֆոտո՝ «Փյունիկի» մամուլի ծառայություն
Հետևեք NEWS.am SPORT-ին Facebook-ում, Twitter և Telegram-ում