Իտալական «Միլանի» ղեկավարությունը մտադիր է ձեռք բերել Թուրինի «Յուվենտուսի» արգենտինացի հարձակվող Գոնսալո Իգուաինին, հաղորդում է Gazzetta dello Sport–ը։
«Միլանը» 30–ամյա ֆուտբոլիստին առաջարկել է չորս տարվա պայմանագիր, տարեկան 4.5 միլիոն եվրո աշխատավարձով։
Մադրիդի «Ռեալից» պորտուգալացի հարձակվող Կրիշտիանու Ռոնալդուին ձեռք բերելուց հետո «Յուվենտուսը» կվաճառի մի քանի խաղացողների։
Իգուաինի ծառայություններով հետաքրքրված է նաեւ Լոնդոնի «Չելսին», որը պատրաստ է նրան առաջարկել տարեկան 7 միլիոն եվրո։ «Յուվենտուսում» Իգուաինի աշխատավարձը 7.5 միլիոն եվրո է։
Նրա պայմանագիրը թուրինյան ակումբի հետ նախատեսված է մինչեւ 2021 թվականը, տրանսֆերային արժեքը գնահատվում է 60 միլիոն եվրո։
Անցած մրցաշրջանում Իգուաինը 50 խաղում խփել է 23 գոլ, կատարել 7 գոլային փոխանցում։
Հետևեք NEWS.am SPORT-ին Facebook-ում, Twitter և Telegram-ում