Աշխարհի նորընծա չեմպիոն Ֆրանսիայի հավաքականի եւ Թուրինի «Յուվենտուսի» կիսապաշտպան Բլեզ Մատյուիդին ողջունել է պորտուգալացի հարձակվող Կրիշտիանու Ռոնալդուի տեղափոխությունը Մադրիդի «Ռեալից» իտալական ակումբ:
«Ռոնալդուն աշխարհի լավագույն ֆուտբոլիստն է, եւ հաճելի է գիտակցել, որ նա խաղալու է մեր թիմում: Բայց իհարկե նրան էլ հաճելի կլինի հնարավորություն ունենալ աշխարհի չեմպիոնի հետ լինել նույն հանդերձարանում:
Երկու տարի առաջ նրան հաջողվեց հաղթել ինձ Փարիզում տեղի ունեցած Եվրո-2016-ի եզրափակիչում, բայց աշխարհի առաջնությունը այլ երեւույթ է եւ շատ ավելին է, քան Եվրոպայի առաջնությունը»,- Մատյուիդիի խոսքը մեջբերում է Gazzetta dello Sport-ը:
Հիշեցնենք, որ Ռոնալդուն «Յուվենտուսի» հետ կնքել է չորս տարվա պայմանագիր:
Հետևեք NEWS.am SPORT-ին Facebook-ում, Twitter և Telegram-ում