Անգլիական «Մանչեսթեր Յունայթեդի» պաշտպան Դեյլի Բլինդը կարիերան կշարունակի «Այաքսում», հայտնում է հոլանդական ակումբի պաշտոնական կայքը։
Գործարքի մանրամասները դեռ չեն հրապարակվել։ Ավելի վաղ խոսակցություններ կային, որ ամստերդամյան ակումբը տեղափոխության համար կվճարի 14 միլիոն եվրո։ «Այաքսի» հետ 28-ամյա Բլինդը կկնքի 4 տարվա պայմանագիր։
Բլինդը 2014-ին հենց «Այաքսից» էր տեղափոխվել «Մանչեսթեր Յունայթեդ»։ Պրեմիեր լիգայի նախորդ առաջնությունում Բլինդը մասնակցել է 7 հանդիպման։
Հետևեք NEWS.am SPORT-ին Facebook-ում, Twitter և Telegram-ում