Լոնդոնի «Չելսիի» նորանշանակ գլխավոր մարզիչ Մաուրիցիո Սարին խոսել է իր նշանակման մասին։
«Ցանկանում եմ շնորհակալություն հայտնել Նեապոլի բնակիչներին․ 3 տարի նրանք ինձ միշտ օգնել են։ Ես նրանց միշտ կսիրեմ։
Իմ բախտը բերել է, որ «Նապոլիում» խաղացողները հեշտ հարմարվեցին իմ խաղաոճին։ Դա խոսում է նրանց բարձր կարգի մասին։
«Չելսին» լավ թիմ է։ Անգլիայում խնդիրն այն է, որ կա 5-6 ուժեղ թիմ։ Կարծում եմ, որ մի քանի փոփոխությունից հետո մենք կփորձենք ցույց տալ իմ պատկերացրած խաղը»,- Սարիի խոսքն է փոխանցում «Չելսիի» մամուլի ծառայությունը։
59-ամյա իտալացին լոնդոնյան ակումբի հետ կնքել է 3 տարվա պայմանագիր։ Նա տարեկան կվաստակի 6 միլիոն եվրո։ Սարիի օգնականը կլինի Իտալիայի հավաքականի և «Չելսիի» նախկին խաղացող Ջանֆրանկո Ձոլան։
Սարին մարզչական կարիերան սկսել է 1990 թվականին և 2015-ից էր աշխատում «Նապոլիում»։
2015/16 մրցաշրջանում Սարին ստացել է Իտալիայի առաջնության լավագույն մարզիչի մրցանակը։
Սարին անգլիական ակումբում փոխարինել է իտալացի Անտոնիո Կոնտեին։
Հետևեք NEWS.am SPORT-ին Facebook-ում, Twitter և Telegram-ում