00:10  ,  16 հուլիսի, 2018

Անտուան Գրիզմանը՝ ԱԱ-2018-ում հաղթանակի մասին  

Ֆրանսիայի հավաքականի հարձակվող Անտուան Գրիզմանը խոսել է Ռուսաստանում ավարտված աշխարհի առաջնության եզրափակիչում տեղի ունեցած Խորվաթիայի հետ հանդիպման մասին։ Հիշեցնենք, որ այդ խաղում Ֆրանսիան հաղթեց 4։2 հաշվով։

«Մինչև վերջ չեմ հասկանում, թե ինչ է կատարվել։ Սա ծանր առաջնություն էր։ Գավաթը ևս ծանր է։ Հպարտ եմ մեր հավաքականով։ Այժմ վայելում ենք պահը, իսկ վաղը հաղթանակը կտոնենք Ֆրանսիայի հետ։

Մենք մինչև վերջ խաղացինք առանց լարվելու։ Հենց դա էր մեր ուժը»,- Գրիզմանի խոսքն է փոխանցում championat.com-ը։

Ֆրանսիայի հավաքականը նախորդ անգամ աշխարհի չեմպիոն էր դարձել 1998 թվականին։ Այդ ժամանակ Դիդյե Դեշամը ֆրանսիացիների ավագն էր։

 

Հետևեք NEWS.am SPORT-ին Facebook-ում, Twitter և Telegram-ում


  • Այս թեմայով