Ուկրաինայի հավաքականի և Դորտմունդի «Բորուսիայի» հարձակվող Անդրեյ Յարմոլենկոն կարիերան կշարունակի Լոնդոնի «Վեստ Հեմում», հայտնում է անգլիական ակումբի պաշտոնական կայքը։
Ավելի վաղ հաղորդվում էր, որ Յարմոլենկոն «Վեստ Հեմի» հետ կնքելու է 4 տարվա պայմանագիր։
Տեղափոխության համար գերմանական ակումբը կստանա 25 միլիոն եվրո։
28-ամյա ուկրաինացին 2017 թվականին էր Կիևի «Դինամոյից» տեղափոխվել «Բորուսիա»։ Գերմանիայի նախորդ առաջնության 18 խաղում ֆուտբոլիստը դարձել է 3 գոլի և 2 արդյունավետ փոխանցման հեղինակ։
Հետևեք NEWS.am SPORT-ին Facebook-ում, Twitter և Telegram-ում