00:51  ,  8 հուլիսի, 2018

ԱԱ-2018․ Խորվաթիան 11 մետրանոցներով կոտրեց ռուսների դիմադրությունը (ֆոտո, վիդեո)

Խորվաթիան աշխարհի առաջնության կիսաեզրափակիչի վերջին մասնակիցն է։ Սոչիում տեղի ունեցած քառորդ եզրափակիչի խաղում խորվաթները հետխաղյա 11 մետրանոցներով հաղթեցին ռուսներին՝ 4։3։ Հիմնական ժամանակն ավարտվեց 1։1 հաշվով։ Լրացուցիչ ժամանակում թիմերը դարձյալ մեկական գոլ փոխանակեցին։

31-րդ րոպեին իսպանական «Վիլյառեալի» կիսապաշտպան Դենիս Չերիշեւ հեռվից կատարած գեղեցիկ հարվածով բացեց հաշիվը։

39-րդ րոպեին Մարիո Մանջուկիչի փոխանցումից հետո հաշիվը հավասարեցրեց գերմանական «Հոֆենհայմի» հարձակվող Անդրեյ Կրամարիչը։

Երկրորդ խաղակեսում իրական գոլային հնարավորություն ուներ Խորվաթիան, սակայն Միլանի «Ինտերի» կիսապաշտպան Իվան Պերիշիչի հարվածից հետո ռուսներին գոլից փրկեց ուղղահայց դարպասաձողը։

Լրացուցիչ ժամանակում, 100-րդ րոպեին Մադրիդի «Ռեալի» կիսապաշտպան Լուկա Մոդրիչի փոխանցումն օգտագործեց թուրքական «Բեշիկթաշի» պաշտպան Դոմագոյ Վիդան խփեց խորվաթների երկրորդ գոլը։

115-րդ րոպեին Ռուսաստանի հավաքականը տուգանային հրապարակի մոտ ստացավ տուգանային հարվածի իրավունք, որն իրացրեց Մոսկվայի ԲԿՄԱ-ի հարձակվող Ալան Ձագոեւը։ Նրա փոխանցումից հետո ԲԿՄԱ-ի պաշտպան Մարիո Ֆերնանդեսը գրավեց Դանիել Սուբաշիչի պաշտպանած դարպասը։ 

Հետխաղյա 11 մետրանոցները սկսեց Ռուսաստանի թիմը, Ֆյոդոր Սմոլովն առաջինը հարվածեց եւ Սուբաշիչը հետ մղեց։ Բրոզովիչը չվրիպեց։ Ալան Ձագոեւը ռուսների երկրորդ հարվածը չձախողեց։ Մատեո Կովաչիչը չկարողացավ գերազանցել Իգոր Ակինֆեեւին, որը փրկեց դրությունը։ Մարիո Ֆերնանդեսը շեղ հարվածեց, դարձյալ հետ գցելով Ռուսաստանի թիմին։ Լուկա Մոդրիչի հարվածից հետո Ակինֆեեւը հասավ գնդակին, սակայն հարվածը շատ ուժեղ էր եւ հայտնվեց ցանցում։ Սերգեյ Իգնաշեւիչը գրավեց խորվաթների դարպասը։ Դոմագոյ Վիդան իր երկրորդ գոլն է խփում։ Դալեր Կուզյաեւը եւս խփեց, իսկ Իվան Ռակիտիչը Խորվաթիային դուրս բերեց կիսաեզրափակիչ՝ 4։3։

Խորվաթիան կիսաեզրափակիչում կհանդիպի Անգլիայի հավաքականի հետ։

ԱԱ-2018․ Քառորդ եզրափակիչ

Ռուսաստան - Խորվաթիա՝ 2։2 (հիմնական ժամանակ՝ 1։1, լրացուցիչ ժամանակ՝ 2։2, 11մ՝ 3։4), (տեսանյութ)

Դենիս Չերիշեւ, 31, Մարիո Ֆերնանդես, 115 – Անդրեյ Կրամարիչ, 39, Դոմագոյ Վիդա, 100

Ռուսաստան․ Ակինֆեեւ, Ֆերնանդես, Կուտեպով, Իգնաշեւիչ, Կուդրյաշով, Զոբնին, Կուզյաեւ, Գոլովին (Ձագոեւ, 102), Չերիշեւ (Սմոլով, 67), Սամեդով (Երոխին, 54), Ձյուբա (Գազինսկի, 79)։

Խորվաթիա  Սուբաշիչ, Վրսալկո (Չորլուկա, 97), Վիդա, Լովրեն, Ստրինիչ (Պիվարիչ, 74), Ռակիտիչ, Մոդրիչ, Ռեբիչ, Կրամարիչ (Կովաչիչ, 88), Պերիշիչ (Բրոզովիչ, 63), Մանջուկիչ։

NEWS.am-ում աշխարհի առաջնության լուսաբանման գլխավոր գործընկերն է TotoGaming-ը:

Ժամանակն է սկսել նոր հաղթանակների ուղին TotoGaming-ի հետ։

Առաջին քայլը կօգնի անել Ողջույնի բոնուսը։

Դուք կստանաք 2000 Դ FreeBet պարզապես գրանցվելով www.totogaming.am կայքում։

Մանրամսները․ www.totogaming.am 

Օրվա հավանական հաղթող խաղադրույքներին կարող եք ծանոթանալ TotoExpert.am–ում։

Լուսաբանման գործընկերն է Ucom-ը: 

Այս ամառ Ռուսաստանում ինտերնետն ընդամենը 15 դրամ:
Ընդամենը 15դրամ/ՄԲ ռոմինգում ևս 42 երկրում:
Ucom. 
Ձեր հանգստի օպերատորը: Մանրամասները՝ այստեղ։

Հետևեք NEWS.am SPORT-ին Facebook-ում, Twitter և Telegram-ում


  • Այս թեմայով