Հայաստանի հավաքականի նորեկ Իվան Յագանը կարիերան կշարունակի Բելգիայի ուժեղագույնների խմբում հանդես եկող «Էյպենի» կազմում, հայտնում է ակումբի պաշտոնական կայքը։
28-ամյա հարձակվողը կնքել է 2 տարվա պայմանագիր։ «Էյպենի» գլխավոր մարզիչն է Ֆրանսիայի հավաքականի և Մադրիդի «Ռեալի» նախկին կիսապաշտպան Կլոդ Մակելելեն։
Իվան Յագանը մինչ այս հանդես էր «Լյերսում» (Բելգիայի առաջին դիվիզիոն)։
Հիշեցնենք, որ Իվան Յագանը Հայաստանի հավաքականի կազմում նորամուտը գոլով նշեց մայիսի 29-ին տեղի ունեցած Մալթայի (1:1) հետ ընկերական խաղում։
Հետևեք NEWS.am SPORT-ին Facebook-ում, Twitter և Telegram-ում