Իսպանացի Ռաֆայել Նադալը 900-րդ հաղթանակն է տարել կարիերայում: Թենիսի Ֆրանսիայի բաց առաջնության չորրորդ շրջանում աշխարհի առաջին ռակետը մրցել է գերմանացի Մաքսիմիլիան Մարտերերի հետ եւ առավելության է հասել 6:3, 6:2, 7:6 հաշվով:
32-ամյա Նադալը թենիսի նոր դարաշրջանում 5-րդն է, որին հաջողվում է այսպիսի նվաճում՝ Ջիմի Քոնորսից, Ռոջերդ Ֆեդերերից, Իվան Լենդլից եւ Գիլյեր Վիլասից հետո:
Նադալը 234 հաղթանակ է տարել «Մեծ սաղավարտի» մրցաշարերում եւ այդ ցուցանիշով հետ թողեց Քոնորսին՝ բարձրանալով երրորդ տեղ: Նադալին գերազանցում են Ֆեդերերը (332) եւ Նովակ Ջոկովիչը (244):
Ֆրանսիայի բաց առաջնության կիսաեզրափակիչի ուղեգրի համար Նադալը կմրցի արգենտինացի Դիեգո Շվարցմանի հետ, որը պայքարից դուրս է թողել հարավաֆրիկացի Կեւին Անդերսոնին:
Հետևեք NEWS.am SPORT-ին Facebook-ում, Twitter և Telegram-ում