«Քլիվլենդը» դարձավ Բասկետբոլի ազգային ասոցիացիայի (NBA) եզրափակիչի առաջին մասնակիցը:
Կիսաեզրափակիչ շարքի վերջին՝ 7-րդ խաղում NBA-ի փոխչեմպիոնը մրցակցի խաղահրապարակում 87:79 հաշվով հաղթել է «Բոստոնին»՝ շարքի հաշիվը դարձնելով 4:3:
Հանդիպման ամենաարդյունավետ բասկետբոլիստ է ճանաչվել Լեբրոն Ջեյմսը, որը «Քլիվլենդի» կազմում հավաքել է 35 միավոր:
Խաղից հետո NBA-ի պաշտոնական ալիքը ներկայացրել է լավագույն դրվագների հնգյակը:
«Քլիվլենդը» չորրորդ տարին անընդմեջ դարձավ Արեւելյան գոտու հաղթող: Եզրափակիչի մյուս ուղեգիրը վիճարկում են գործող չեմպիոն «Գոլդեն Սթեյտն» ու «Հյուսթոնը», որոնց շարքի հաղթողը եւս կորոշվի 7-րդ խաղում:
NBA, կիսաեզրափակիչ
«Բոստոն» - «Քլիվլենդ»` 79:87 (26:18, 17:21, 13:20, 23:28)
Շարքի հաշիվը՝ 3:4
Հետևեք NEWS.am SPORT-ին Facebook-ում, Twitter և Telegram-ում