Մադրիդի «Ռեալի» պորտուգալացի հարձակվող Կրիշտիանու Ռոնալդուն խոսել է Չեմպիոնների լիգայի եզրափակիչի մասին։ Պորտուգալիայի հավաքականի առաջատարը նմանություններ է գտել «Լիվերպուլի» և «Ռեալի» միջև։ 33-ամյա ֆուտբոլիստն ասել է, որ անգլիական ակումբը նման է 2014/15 մրցաշրջանի Արքայական թիմին։
«Այն ժամանակ մենք նույնպես առջևի գծում ունեինք արագ հարձակվողներ։ Կարծում եմ, որ «Ռեալը» ուժեղ է «Լիվերպուլից», ուղղակի պետք է դա ցույց տանք խաղադաշտում։
Մրցաշարերի եզրափակիչները միշտ էլ յուրահատուկ են, կապ չունի, թե ում հետ ես խաղում։ Մեզ համար հեշտ չի լինելու․ «Լիվերպուլը» արժանիորեն է դուրս եկել եզրափակիչ»,- Ռոնալդուի խոսքն է փոխանցում Marca-ն։
Հիշեցնենք, որ «Ռեալ» - «Լիվերպուլ» եզրափակիչը տեղի կունենա մայիսի 26-ին Կիևում։
Հետևեք NEWS.am SPORT-ին Facebook-ում, Twitter և Telegram-ում