Չիլիացի մասնագետ Մանուել Պելեգրինին նշանակվել է Լոնդոնի «Վեստ Հեմի» գլխավոր մարզիչի պաշտոնում, որը թափուր էր Դեւիդ Մոյեսի հեռացումից հետո:
Մադրիդի «Ռեալի» ու «Մանչեսթեր Սիթիի» նախկին գլխավոր մարզիչն անգլիական ակումբի հետ կնքել է 3 տարվա պայմանագիր, հայտնում է «Վեստ Հեմի» կայքը:
64-ամյա Պելեգրինիի նախորդ աշխատավայրն էր չինական «Հեբեյ Չայնան», որը նա գլխավորում էր 2016-ից եւ հեռացավ մայիսի 19-ին:
Անգլիայի ավարտված առաջնությունում «Վեստ Հեմը» զբաղեցրել էր 13-րդ տեղը, ինչից հետո հեռացրել էր շոտլանդացի մասնագետ Դեւիդ Մոյեսին:
Հետևեք NEWS.am SPORT-ին Facebook-ում, Twitter և Telegram-ում