Նաինգոլանը հեռացավ Բելգիայի հավաքականից

Իտալական «Ռոմայի» կիսապաշտպան Ռաջա Նաինգոլանը հայտարարել է, որ դադարեցնում է ելույթները Բելգիայի հավաքականում։

«Ցավը սրտումս հայտարարում եմ, որ ավարտում եմ միջազգային կարիերաս։ Ես միշտ ամեն ինչ արել եմ, որ օգնեմ հավաքականին։ Ցավոք, այդքանը բավարար չէ որոշ մարդկանց։

Այսօրվանից ես դառնում եմ Բելգիայի հավաքականի գլխավոր երկրպագուն»,- Ինստագրամի էջում գրել է Նաինգոլանը։

Նշենք, որ 30-ամյա կիսապաշտպանը տեղ չի գտել Բելգիայի հավաքականի ընդլայնված հայտացուցակում և չի մասնակցի Ռուսաստանում կայանալիք աշխարհի առաջնությանը։

Բելգիացիների գլխավոր մարզիչ Ռոբերտո Մարտինեսն ասել էր, որ Նաինգոլանին չի հրավիրել միայն տակտիկական նկատառումներից ելնելով։

Հետևեք NEWS.am SPORT-ին Facebook-ում, Twitter և Telegram-ում