01:15  ,  15 մայիսի, 2018

Ռոբերտո Մանչինին՝ Իտալիայի հավաքականի գլխավոր մարզիչ

Սանկտ Պետերբուրգի «Զենիթից» հեռացած Ռոբերտո Մանչինին գլխավորել է Իտալիայի հավաքականը, հաղորդում է Իտալիայի ֆուտբոլի ֆեդերացիայի մամուլի ծառայությունը։

53-ամյա մասնագետի հետ կնքվել է 2 տարվա պայմանագիր։

Իտալացիները նոր գլխավոր մարզիչ էին փնտրում նոյեմբերից, երբ պաշտոնանկ էր արվել Ջանպիերո Վենտուրան, որի գլխավորությամբ Իտալիայի հավաքականը 60 տարվա ընթացքում առաջին անգամ չնվաճեց  աշխարհի առաջնության ուղեգիր։

Մանչինին ժամանակին աշխատել է իտալական «Ինտերում», «Լացիոյում» և «Ֆիորենտինայում»։ Գլխավորել է նաեւ թուրքական «Գալաթասարայը» և անգլիական «Մանչեսթեր Սիթին»։

Հետևեք NEWS.am SPORT-ին Facebook-ում, Twitter և Telegram-ում