Ավարտվեց Գերմանիայի առաջնությունը: Վերջին տուրում «Հոֆենհայմը» 3:1 հաշվով (տեսանյութ) առավելության հասավ Դորտմունդի «Բորուսիայի» նկատմամբ եւ 55 միավորով գրավեց երրորդ տեղը: «Բորուսիան» նույնքան միավորով գրավեց չորրորդ տեղը:
Երկրորդ տեղը ապահոված «Շալկեն» 1:0 հաշվով պարտության մատնեց Ֆրանկֆուրտի «Այնտրախտին» եւ վաստակեց 63 միավոր: Չեմպիոն «Բավարիան» վերջին տուրում 1:4 հաշվով (տեսանյութ) պարտվեց «Շտուտգարտին»:
«Համբուրգն» ու «Քյոլնը» դուրս մնացին Բունդեսլիգայից: 16-րդ տեղ զբաղեցրած «Վոլֆսբուրգը» անցումային հանդիպումներ կանցկացնի ուժեղագույնների խմբում տեղը պահպանելու համար:
«Բավարիան», «Շալկեն», «Հոֆենհայմն» ու Դորտմունդի «Բորուսիան» նվաճեցին Չեմպիոնների լիգայի խմբային մրցաշարի ուղեգիր:
Գերմանիայի առաջնություն, 34-րդ տուր
«Բայեր» - «Հանովեր»՝ 3:2
«Բավարիա» - «Շտուտգարտ»՝ 1:4
«Ֆրայբուրգ» - «Աուգսբուրգ»՝ 2:0
«Համբուրգ» - «Բորուսիա Մ.»՝ 2:1
«Հերտա» - «ՌԲ Լայպցիգ»՝ 2:6
«Հոֆենհայմ» - «Բորուսիա Դ.»՝ 3:1
«Մայնց» - «Վերդեր»՝ 1:2
«Շալկե»- «Այնտրատ Ֆ.»՝ 1:0
«Վոֆսբուրգ» - «Քյոլն»՝ 4:1
Հետևեք NEWS.am SPORT-ին Facebook-ում, Twitter և Telegram-ում