Մադրիդի «Աթլետիկոյի» հարձակվող Դիեգո Կոստան ճանաչվել է Եվրոպայի լիգայի կիսաեզրափակիչի պատասխան հանդիպումների լավագույն խաղացող:
ՈւԵՖԱ-ի պաշտոնական կայքում անցկացված քվեարկությամբ իսպանացի ֆուտբոլիստը ստացել է ձայների 83 տոկոսը:
Հիշեցնենք, որ նա հաղթական գոլի հեղինակ էր դարձել Լոնդոնի «Արսենալի» դեմ պատասխան խաղում: Իսպանական թիմը հաղթել էր 1:0 հաշվով եւ դուրս եկել եզրափակիչ:
Լավագույն ֆուտբոլիստի երկրորդ թեկնածուն «Զալցբուրգի» կիսապաշտպան Ամադու Հայդարան էր:
Հետևեք NEWS.am SPORT-ին Facebook-ում, Twitter և Telegram-ում