ՈւԵՖԱ-ն ներկայացրել է Եվրոպայի լիգայի կիսաեզրափակիչի պատասխան խաղերի լավագույն ֆուտբոլիստի 2 թեկնածուներին:
Շաբաթվա լավագույն խաղացողի կոչմանը հավակնում են Մադրիդի «Աթլետիկոյի» հարձակվող Դիեգո Կոստան ու ավստրիական «Զալցբուրգի» մալիացի կիսապաշտպան Ամադու Հայդարան: Հաղթողը կորոշվի ՈւԵՖԱ-ի կայքում անցկացվող քվեարկությամբ:
Հիշեցնենք, որ Դիեգո Կոստան հաղթական գոլի հեղինակ էր դարձել Լոնդոնի «Արսենալի» դեմ տնային խաղում (1:0), իսկ Հայդարան գրավել էր ֆրանսիական «Մարսելի» դարպասը (2:1):
Մայիսի 16-ին Լիոնում կայանալիք եզրափակիչում կմրցեն «Աթլետիկոն» ու «Մարսելը»:
Հետևեք NEWS.am SPORT-ին Facebook-ում, Twitter և Telegram-ում