— FC Barcelona (@FCBarcelona) 29 апреля 2018 г.
Campeeeeeeooooooneeees
Campeeeeeeooooooneeees
Oeeeee Oeeeee Oeeeeeeeeeeeeeee!
#7heChamp10ns pic.twitter.com/sM4zBdWwyn
«Բարսելոնան» ժամանակից շուտ ապահովեց ֆուտբոլի Իսպանիայի չեմպիոնի տիտղոսը (տեսանյութ):
Իսպանիայի առաջնության 35-րդ տուրում կատալոնական ակումբը 4:2 հաշվով արտագնա հաղթանակ տարավ Լա Կորունիայի «Դեպորտիվոյի» նկատմամբ եւ անհասանելի դարձավ երկրորդ տեղում գտնվող Մադրիդի «Աթլետիկոյի» համար:
Բրազիլացի կիսապաշտպան Ֆելիպե Կոուտինյոյի եւ արգենտինացի հարձակվող Լիոնել Մեսիի գոլերի շնորհիվ «Բարսելոնան» 2 գոլի առավելություն էր ստացել առաջին խաղակեսում, սակայն դաշտի տերերը մինչեւ 64-րդ րոպեն հավասարեցրին հաշիվը: Հյուրերին հաղթանակ պարգեւեց Լիոնել Մեսին, որը վերջնամասում խփեց եւս 2 գոլ՝ դառնալով հեթ-տրիկի հեղինակ:
30-ամյա Մեսին դարձավ առաջին ֆուտբոլիստը, որը նվազագույնը 30 գոլլի հեղինակ է դառնում Պրիմերայի 7 մրցաշրջաններում:
«Բարսելոնան» վաստակեց 86 միավոր եւ 11 միավոր առաջ անցավ «Աթլետիկոյից», որը մեկ հանդիպում ավելի է անցկացրել: Երրորդ տեղում գտնվող Մադրիդի «Ռեալն» ունի 71 միավոր:
Այս պարտությունից հետո «Դեպորտիվոն» կորցրեց տեղը Պրիմերայում պահպանելու հնարավորությունից եւ 5 տարի անց կվերադառնա Սեգունդա:
«Բարսելոնան» Իսպանիայի չեմպիոն դարձավ 25-րդ անգամ: Այս մրցաշրջանում չեմպիոնի տիտղոսը չկարողացավ պաշտպանել Մադրիդի «Ռեալը», որը Իսպանիայի առաջնությունում հաղթել է ռեկորդային 33 անգամ: Այս մրցաշրջանում «Բարսելոնան» դարձել էր նաեւ Իսպանիայի գավաթակիր:
Իսպանիայի առաջնություն, 35-րդ տուր
«Դեպորտիվո» - «Բարսելոնա»՝ 2:4
Լուկաս Պերես, 40, Էմրե Ցոլակ, 64 – Ֆելիպե Կոուտինյո, 7, Լիոնել Մեսի, 38, 82, 85
«Վալենսիա» - «Էյբար»՝ 0:0
Հետևեք NEWS.am SPORT-ին Facebook-ում, Twitter և Telegram-ում